AZKEN SARRERA

Hau azken sarrera izanda, bukatutzat ematen dut Irakasle Funtzioko Bloga. Jakinarazi nahi dizuet hasieran pentsatzen nuela blogarena gauza erraza izango zela, baina nire egoera ikusita; ordu batzuk barru entregatu behar dudala, esan dezaket bidea ez dela bat ere erraza izan. Zintzo izaten, esan behar dut porru eginda nagoela, izan ere, lan hau oso luzea eta iraunkorra izan da eta ez dut denbora oso ondo kudeatu. Gora-behera asko izan ditut; bazeuden egunak blogarekin ehuneko ehunean jarrita nengoela eta bestalde, egon dira asteak ezer gabe geldi utzi dudala lan hau.

Hasteko, esan behar dut nire helburua zela zortzi hausnarketa egitea, pentsatzen nuelako denbora soberan edukiko nuela eta nahiko azkar bukatuko nituela. Baina gauzak ez dira nahi nuen bezala atera, izan ere, sei hausnarketa egin ditut,  teknografia eta beste gauzatxoren bat gehitu gabe. Pasadan astean estuki nengoela ikusita,  banekien hausnarketa guztiak ez nituela bukatuko, bada, nahiago nuelako sei egin, baina ondo eta informazioa bilatzen, zortzirak egin baino, eta denak gaizki bukatuak egotea.  Lan hau, berriro dinot ez da batere erraza izan, nire kabuz ikasi behar izan ditudalako gauza ezberdin asko eta oso denbora gutxian. Bloga egitea kostatu zaidala ikusteak, ez du esan nahi ezer ikasi ez dudanik, ezta gutxiago ere. Gauza berri asko eta oso alderdi garrantzitsuak ikasi ditut, eta ziur nago etorkizun ez oso urrun batean asko balioko didatela irakasle izaterako orduan. Hasteko, autonomoa izaten ikasi dut, ikasgai honi esker garatzen joan naizen alderdi oso garrantzitsua, gauzak nire kabuz ikasi eta bilatu behar bainituen; irakurriz, bilatuz, galdetuz... Ikasgai honek espero baino gehiago aberastu nau intelektualki. Hasieran pentsatzen nuen ez nuela gauza berri asko ikasiko, nire iritzia ematean ez bainuen ezer berririk deskubritzen, baina Alaitzek (nire irakasleak) lehenengo gogoeta zuzendu zidanean jakin nuen nota ona lortu nahi banuen nire iritzia eman aurretik informazioa bilatu behar nuela eta horrelaxe burutu nuen bloga.

Hasteko, hausnarketa guztiak mahai gainean jarri nituen eta horietatik nire interesa piztu zidaten seirak aukeratu nituen. Haukeratuetatik, gogokoenekin hasi nintzen; Emozioen hausnarketa eta Imagin Elephants. Oso gustura egin nituen bi horiek, alabaina, nire ama Musikoterapian aditua da eta emozioekin asko lan egin du, eskolan arazoak zituzten umeak aurrera ateratzeko helburuarekin, beraz, berari buruz gauza asko ikasi ditut eta informazio asko bilatu izan nuen, gaia super interesgarria iruditu zitzaidalako. Bestalde, nire aita Pedagogoa da, Sacodejuegos izeneko webgune bat du eta horren bitartez eskoletara eta udaletxeetara jolasak eramaten ditu umeak beste era batetan ikas dezaten. Beraz, bi hausnarketa hauekin bi astez egon nintzen, oso pozik egon nintzen hau burutzen, gainera nire gurasoekin gai hauei buruz  asko hitz egin genuen eta horrek nolabait gure arteko harremana sendotu zuen.

Geroago, beste hausnarketekin hasi nintzen, nahiko kantsatuta negoen aurreko bietan gauza asko bilatu nituelako, baina egin behar nuela banekien. Konfiantzaren gaia, asko gustatu zitzaidan, banekizkien gauzak baina, informazio berria bilatu nuenean ez nituen espero bitxikeriak ikasi nituen. Loczy eta Biziloreren hausnarketak interesgarriak iruditu zitzaizkidan, izan ere, ez nekien gauza askorik haiei buruz eta jakiteko gogoak nituen. Egin nuen azken sarrera edo hausnarketa; kalitatezko hezkuntzarena izan zen eta azkenekoa izanda pixka bat desmotibatuta egon nintzen, baina hala eta guztiz ere, asko irakurri nuen, beraz horretan ere asko ikasi nuen.

Laburbilduz: ikasgai honek alderdi askotan lagundu dit. Alde batetik bizitza nire kabuz bilatzen lagundu dit, txorakeria dirudiena baina ni batxilergotik nator eta han dena eskura ematen digute. Bestalde, irakasle izateari buruz gauza berri asko ikasi ditut baita, irakasle hobea izaten asko lagunduko didatenak. Nahiko pozik nago ikasgai honekin, nik uste baino gehiago ikasi dut, eta nire kontura ikasi dut ia guztia. Landu ditugun gaiak oso interesgarriak izan dira, nahiz eta denbora gehiago izanez gero, dena patxada handiagoz egiteko eta gogoeta guztiak amaitzeko denbora izango nukela.