BIZILORE ESKOLA

Bizilore eskolaren iritzi kritiko bat eman baino lehen, zertan datzan proiektu hau gainetik azalduko dut. Azkoitiko Bizilore eskola, aktiboa da, eta 2-12 urte bitarteko neska-mutilak elkarrekin bizi eta komunitatean hazten dira. Bizilore errespetuzko hezkuntza eta hezkuntza berrikuntzan oinarritzen den proiektu bat da. 2012an hasi zituen bere lehen urratsak eta memento artan hezkuntza inguruko kexak zituzten hainbat guraso eta hezkuntza profesionalak bildu ziren eta hortik Bizilore sortu zen, eskola eredu berria zeukan ikastola.

Biziloreko egunerokotasunera jotzen badugu hurrengoa aurkituko dugu. Umeak goizez eskolara joaten dira, 9:00 inguruan sartzen dira barruan, baina hala eta guztiz ere adinaren arabera sarreraren ordua nahiko malgua da. Bakoitzak bere erritmoan eskolara eltzeko askatasuna dago. Biziloren, bilatzen dena da umeak eroso sentitzea, beraz etorri berriak direnean goizez haien oinetakoak kutxetan uzten dituzte eta etxeko zapatilak jartzen dituzte. Biziloren, umeak zirkulazio librean egoteko denbora nahikoa dute, tarte horretan umeei hiru espazio ezberdin eskaintzen zaie, bakoitzean hiru helduekin haiekin norbait egoteko. Umea bere nahiak eta beharren arabera espazio batean edo bestean dago. Hauetan umea zoriontsu dabil, izan ere, bera bakarrik gauzak ikertu ahal dituelako eta gustuko duenarekin egon ahal delako. Hiru espazio hauen dinamika ikaragarri gustatzen zait, ez da ohikoa eskoletan umeentzako aukera anitzak egotea haien garapena hobeagoa izateko eta Bizilorek hori martxan jartzeko esfortzua egin du. Honek Howard Gardnerren adimen anitzen teoria martxan jartzeko  ideia bikaina iruditzen zait. Izan ere, ume guztiek ez dituzte gaitasun berdinak, ona dena musikan, txarra izan daiteke eraikuntzean eta ez horregatik ume horren jakintza maila baxuagoa da. Beraz, nire ustez, Bizilorek dituen guneak asko laguntzen die umeei, bakoitzak bere adimena indartu ahal izateko. Hau horrela izanda, Biziloren dauden gune desberdinak goitik aipatuko ditut denok ikusi eta ikasi ahal izateko
gune bakoitzaren alde positiboak.

Alde batetik, dago Harrera gunea, hasieran azaldu dugunez, eskolako lehenengo momentuan izaten diren lehenengo lekua. Horretan, umeak lagunak agurtzen dituzte, irakasleekin lehenengo kontaktuak dituzte eta gurasoei agur esaten diote. Eraikuntzaren barruan sartzerakoan daukagu Mugimendu gunea, horretan umea aske da nahi duen eratan bere gorputza moldatzen. Mugimendua umearen garapenaren ardatz garrantzitsua denez, gune honetan, haurrek mugimendu askatasunari eta beharrari erantzuteko baliabide ugari eskura dituzte. Gune hau oso garrantzitsua da, izan ere, honetan haurrek barruan daukaten tentsioa edo emozioak azaleratzeko baimena daukatelako. Beste gune garrantzitsu bat, Eraikuntza txokoa da, honetan umeak hainbat materialekin topo egiten dute, hala nola: egurrezko blokeak, makilak, sokak, oihalak, kortxoak eta abar. Material guzti honekin umearen sormena martxan jartzen da eta burutik dituen ideiak fisikoki sortzen eta eraikitzen hasten da. Esan dugunez, ume guztiek ez dituzte gaitasun berdinak, beraz, eraikuntza txokoan ez dira ume guztiak trebeak eta hori errespetatu behar dugu irakasle bezala. Arte gunea ere badago, honetan baita umeak hainbat materialekin topatzen dira eta haien bitartez sortzen hazten dira. Originalak izaten dira gune honetan trebeak diren umeak, izan ere, honek eskaintzen du sormen eta asmatzeko gaitasun berezia. Montessori gunea, bizitza praktikoko eta egurrezko material sentsorialez osatuta dago. Materialak funtzio autozuzentzailea du eta haurren neurrira egokitua dago. Haurrei aukera ematen die, ikaskuntza globalizatuaren bidez, matematikako, natur baliabideetako, geografiako, zein idazketa-irakurketako gaitasunetan trebatzeko. Nire ustez, Biziloren dagoen txokorik garrantzitsuenetariko bat Naturaren gunea da, izan ere, haiek garrantzi handia ematen diete gune honi eta nik pentsatzen dut honek gauza positibo pilo eskaintzen dizkiola umeei. Honetan, umeek material natural ugariekin top egiten dute eta hauen bitartez eta haiekin esperimentatuz gauza berri asko ikasten dituzte. Gune hau esperientziaren bidez ezagutzeko prestatutako eremua da eta honek asko aberasten ditu umeak, baldin eta irakasleok ikasleak libre uzten baditugu. Azkenik, sukaldea eta jangela aurkitzen ditugu eta hauek bai umearen autonomia garatzen laguntzen dutela. Izan ere, honetan ume bere gauzak egiteko gai izan behar da eta saiatu behar da inoren laguntzarik gabe gauzak burutzen, horren bitartez lortuko du bere autonomia ete etorkizun batetarako prestatuago egoteko.

Txokoak alde batera utzita, jakin behar dugu, Bizilorek bi gauza eskaintzen dizkiola familia bakoitzari. Hasteko, familiei eskola eta etxea elkarren eskutik egoteko aukera ematen diete. Horretarako, hilabetean behin hausnarketa saioak egiteko elkartzen dira, hauek bilera modukoak dira eta horien bitartez ematen da aukera seme-alaben hezkuntzan eta hazkuntza modu kontzientean parte hartzeko.

Azkenik eta Biziloreren gaia pixka bat ixten, azkeneko gauzak idatziko ditut. Haurra izaki aktiboa da, ezaugarriz betea, inguratzen duen guztia ezagutzeko jakin-mina sentitzen duena. Bizilore-n, haurrari aukera ematen zaio bere burua behar bezala erakusteko; testuinguru horretan, laguntzaileek errespetuz jokatzen dute bitartekaritzan, eta erabateko garapena ahalbidetzen dute. Adierazpen askean eta jolasean oinarrituta, haurrari testuinguru bat eskaintzen zaio, non libre den zer, norekin eta zenbat denboraz egin nahi duen aukeratzeko, bakoitzak bere burua ezagutu eta bere bulkadak aukeratu ahal izateko. Biziloren, emozioak paper garrantzitsua jokatzen dute umeengan, izan ere, ikastola horrek umeei ematen dien askatasuna libre uzten ditu umeak barnean daukaten guzti hori erraztasunez kanporatzeko. Umeak haien emozioak bota ditzaten arazorik gabe, konfiantza pedagogikoa sustatzea ezinbestekoa da, izan ere, horren bitartez umeak gustura eta eroso sentitzen dira, lehenengo urratsak komunikazio ona egoteko.

BIBLIOGRAFIA:

Bizilore eskola aktiboa. (2018). 19/12/ 2019 eskuratua, hemendik lortua: https://www.tabakalera.eu/es/charla-pedagogias-alternativas-crianza-bizilore-eskola-aktiboa

http://www.ikasbil.eus/web/ikasbil/dokutekako-fitxa?p_p_id=56_INSTANCE_fLB1&p_p_lifecycle=0&p_p_state=normal&p_p_mode=view&p_p_col_id=column-1&p_p_col_count=1&groupId=10138&articleId=21033552 (ez du esagutzen)