AURKEZPENA

Nire izena Oihane Garcia da, 18 urte ditut eta Vitoriako unibertsitate publikoan Haur Hezkuntza ikasten dut. Unibertsitatean bost ikasgai ditugu eta horien artean Irakasle Funtzioko ikasgaia aurkitzen da, blog hau sortzearen arrazoia izan dena. Irakasle Funtzioa ematen digun irakaslearen izena Alaitz da eta berea izan da blog hau egiteko aukera eman diguna. Gainera, bera izan da gure bloga ondo bideratzeko behar genituen baliabideak eman dizkigunak, hala nola; iturri fidagarrien izenak, txostenak, bideoen linkak, adituen konferentziak etab.

Sarrera bezala eta irakasle funtzioko ikasgaia zertaz doan hobeto ulertzeko, azalpen labur bat ematera ausartuko naiz. Ikasgai honen helburu nagusia; ikaslearen jarrera zein izan behar den ulertzea da. Irakasle baten papera gehienok uste duguna baino askoz zailagoa da, gauza asko jakin behar dira baina batez ere bokazioa izatea garrantzitsuena da. Irakasgai honekin ez dugu bokazioa garatu, baina bai irakasle hobeak izateko prestatu gaituela. Hasteko, autonomoak izaten ikasi dugu; izan ere, azaltzen ziren gaien inguruan ikasteko, gure kontura irakurri eta ikertu behar izan dugu, eta teknika hori zoragarria iruditzen zait, aldi berean beldurgarria, ez nagoelako ohituta nire kabuz gauzak ikertzen. Blogean, jarraian ikusiko dugunez, irakaskuntzarekin lotutako gai garrantzitsu pila bat ikasi ditugu, baina batez ere irakasle izatearen funtzioarekin lotutakoak.  Emozioen garrantzia, jolasen beharra, konfiantzaren agerpena eta abar izan dira jorratu ditudan gaietako batzuk. Azko dira jorratu beharreko gaiak, baina nik soilik sei aukeratu ditut, haiekin gustura sentitzen naizelako nire iritzia ematerako orduan.